Doaresbealde doali / Máret Ánne Sara

Beskrivelse

Doaresbealde doali lea Máret Ánne Sara nubbi girji oappáš guoktá Sánne ja Lemme birra guhte leaba geavvan nuppi ilbmái. Doppe soai geahččaleaba ipmirdit movt árpmus dohko leaba geavvan bohccohámis. Ferteba maid heakkas gáhttet dan seammás go ohcaba geainnu eret ja ruoktut, ja fuobmába ahte ulddaid ilmmis leat stuorra váttisvuođat mat leat váikkuhuvvon daguin olbmuid máilmmis.

Dan ođđa girjjis beasat čuovvut mo geavvá go ohcaba geainnu ruovttoluotta olbmuid máilbmái … ja maiddái olbmuid máilmmis vurdet sihke hástalusat ja váralašvuođat.

Máret Ánne Sara – Mikkol Ivvára Jovsseha Ivvára Máret Ánne lea dáiddár, journalista ja girječálli gii lea bajásšaddan boazodoalu bearrašis ja orro Guovdageainnus.

Su vuosttaš girji, Ilmmiid gaskkas, lei evttohuvvon Davviriikkaid mánáid- ja nuoraid girjjálašvuođa bálkkašupmái 2014.

…
Áhčči geahčai áddjái, gii sugadii jaska stuoloravddas. Muhtumin ruohkai oaivvi. Gaikkáhalai duogge vuovttaidis.
– Gula Ružon, Don ledjet okta dain maŋemuš olbmuin gii oidnet mu nieiddaža ovdalgo son jávkkai.
– NEAVRRIIIIT!
Ružon huikkádii nu fáhkka ahte áhčči measta ravggai.
– NEAVRRIT BOOOOHTET!
Áhčči ii diehtán galggai go deaddilit dien boalu nu ahte buohccedivššárat bohte, vai galggai go ieš geahččalit jeđđet buohcci gii viimmat lei rahpan njálmmi.
– ČÁHPPES FÁMUT! BOHTET ČAĐA! JOANSU, GODDET, ALE DIVTTE!
Čáhppes fámut? Joansu? Mas son diehtá mu nama?
Áhčči ii deaddilan boalu. Su lei bággu gullat maid áddjá dadjá.
– Makkár čáhppes fámut, Ružon? Muital munnje.
Áddjá sugadii nu ahte čielgi boŋkkii stuolu njeaiga. Giesai vuoddaga čeabet birra ja čavga­gođii. Čalmmit ledje áibbas jorbasat, ja son massi­gođii vuoiŋŋahaga.
– Gulat go Ružon, mun lean Juho Joansu. Muital munnje!
Áddjá čierrugođii ja čavga­gođii vuoddaga ain garra­seappot.
…

______________________________

Doaresbealde doali er den andre boken av Máret Ánne Sara om søsknene Sanne og Lemme som har havnet i en annen verden.
Der forsøker de å fatte hvordan og hvorfor de er der i reinsdyrs skikkelse. Samtidig som de forsøker å finne veien tilbake til menneskeverdenen må de kjempe for livet. Der oppdager de også at problemene som truer den underjordiske tilværelsen er følger av handlinger i menneskenes verden.
I den nye boken får du følge søsknenes søken og kamp for å finne veien hjem til menneskenes verden … hvor nye utfordringer og farer venter.
Máret Ánne Sara er kunstner, journalist og forfatter som har vokst opp i reindrifta og bor i Guovdageaidnu – Kautokeino.
Hennes første bok, debutromanen Ilmmiid gaskkas, i norsk oversettelse Mellom verdener, var nominert til Nordisk råds barne- og ungdomslitteraturpris 2014.