Ilmmiid gaskkas / Máret Ánne Sara

Varenummer: ISBN 978 82 93830 02 3 Kategori: Stikkord:

ISBN 978 82 93830 02 3

DAT 2013 (ISBN 9788290625691), 2. deattus/2. opplag 2020
Romána sámegillii / Roman på samisk
Dipma olggoš/Innbunden med myk perm, 197 siiddu/sider, 210 nok

Beskrivelse

Beskrivelse

Ilmmiid gaskkas romána gođđá oktii otná beaivvi eallima ja árbevirolaš eallinoainnu.

Boazo­doallobearáš­nuoraid, Sanne ja Lemme, eallin fáhkkestaga rievdá go jávkaba ilmmá luottaid haga ilmmiid gaskii. Viellja, Lemme, ráhkista mohtorcrossa ja illuda ođđa crossavuodjinšilljui. Sánne deaivá gávpogis muhtin seahkánan olbmuin gii sutnje hoahká juoga ”neavrri máná” birra. Ruovttus áhčči suhttá issorasat go šaddá sáhka dan ođđa crossašilju birra mii bilistivčče buriid guohtoneatnamiid. Lemme jávkkiha olggos ja Sánne čuovvula. Oappážagat jávkaba ilmma luotta haga ja moraš ja ohcaleapmi ruovttus lea stuoris. Buohkat báhcet imaštallat mii lea dáhpáhuvvan. Dušše crossasihkkel gávdno álggahuvvon crossabána lahka. Ilmmiid gaskkas girjjis vásihat čilgetmeahttun dáhpáhusaid ja surgadis vásáhusaid imašlaš máilmmis.

…  – Áhččemin, don guhte leat almmis.
Biškkas rievddai rágasin ja bođii girdi leavttuin, ii birra, muhto njuol­ga oappá guvlui. Bisánii miesta­ga duohkái moadde lávkki eret, muhto miestta lei nu njárbat ahte oabbá oinnii čađa. Das lei máná hápmi, muhto ámadadju lei áibbas alit. Duok­kot dákko lei liiki šaddan eanamin. DakŊasat ledje šaddan oaive­­assái ja heaŊgájedje gitta olg­giid rádjái. Vuot­ta čavggai čodda­gis, ja vielgadas čalmmiin lei áibbas ruoksat. Dat vikkai lagabui, muhto ii sáhttán rasttidit miestaga. Doalai gitta skierris, ja rágui nu ahte eanan vel doarggistii.  …

Máret Ánne Sara, Mikkol Ivvára Jovsseha Ivvára Máret Ánne (r. 1983), lea girječálli ja dáiddár gii lea bajás­šaddan boazodoalu bearrašis ja orro Guovdageainnus. Son bargá sihke čállimiin ja dáidaigiin go guora­hallá servodatáššiid máŋgga bealis.

Dat lea girjin almmuhuvvon 2013 ja lea vuosttaš girji gelddolaš fantasy ráiddus. Nubbe girji Doaresbealde doali almmuhuvvui 2014.

Girji lea jorgaluvvon dárogillii Mellom verdener ja eŋgelasgillii In Between Worlds.
Ilmmiid gaskkas gávdno maiddái e-girjin ja jietnagirjin.

Ilmmiid gaskkas girji lei árvaluvvon Davvi­riikkaid mánáid- ja nuoraid girjjálašvuođa bálkkašupmái 2014.

______________________________

Ilmmiid gaskkas er en ungdomsroman om søsknene Sanne og Lemme som lever i en reindriftsfamilie.
Broren Lemme som elsker motocross gleder seg til den nye crossbanen. Inne i byen, har søsteren Sanne møtt en forvirret person som bablet noe uforståelig om ”djevelens unge”. Etter farens raseriutbrudd ved middagsbordet om beiteland som blir ødelagt av den nye motocrossbanen stikker Lemme av i sinne. Sanne blir med. Søsknene blir sporløst borte og hjemme er sorgen og fortvilelsen stor. Hvor har de blitt av og hva er det som har skjedd. Bare crossykkelen blir funnet ved den påbegynte nye crossbanen. I Ilmmiid gaskkas går vi inn i uforklarlige hendelser med redselsfulle opplevelser i en hinsidig verden.
Boken finnes også som lydbok Ilmmiid gaskkas, lest av forfatteren selv. Dette er Máret Ánnes Saras debutbok fra 2013 og er første del i en dramatisk og spennende fantasy fortelling. Boken finnes i norsk oversettelse Mellom verdener og engelsk oversettelse In Between Worlds.

Fortsettelsen, del to, Doaresbealde doali er utgitt 2014, og i norsk oversettelse Utenfor sporet 2019.

Máret Ánne er kunstner, journalist og forfatter som har vokst opp i reindrifta og bor nå i Guovdageaidnu.

Diŋgonskovvi / Bestillingsskjema / Order

  • Girjji / cd namma - Bok / cd tittel - Book / cd title + lohku / antall / quantity:






















Tilleggsinformasjon

Tilleggsinformasjon

Vekt 0.334 kg